من طرف 
تعلن شركه بطالتكووووووووووووووووووا عن وجود وظائف خاليه لكل الخريجين سواء دفعه السنادى أو السنه الجايه أوأى سنه يعنى
الوظايف دى لا تشترط خبرات ولا شهادات ولا ادوات
تشترط بس الجرأه والخفه والذكاء والقدره على الاحتيال والسرعه فى أداء الوظيفه
اما بالنسبه للمظهر فهو مش مطلوب نهائى وياريت اللى شكله حلو يشوه نفسه بمية نار علشان يقبل فى الوظيفه
وإليكم الوظائف الخاليه :
مطلوب حرامى يجيد سرقه السيارات....خفيف.. ذكى ...جسمه رياضى .....يجيد كسر الزجاج....أو فك الكوتش أو سرقه الموتور وخلافه
مطلوب شحات على باب السيده براتب جيد...لأن كل الشحاتين اللى كانوا على الباب قاعدين دلوقتى على القهوه من غير شغل....يجب أن يكون لديه عاهه مستديمه أو تخلف عقلى ...يجيد التصنع بالغلبنه والمسكنه وخلافه....
مطلوب حرامى شقق ...احنا بنحترم التخصص بردوا.......يجيد فتح الكالون بطفاشه ..أو تسييح القفل .......خفيف الخطوه.....يداه ناعمتين .....نظره حاد...يجيد تسلق المواسير
مطلوب فتاه للعمل مع عصابه كبيره لها اسمها فى بولاق.....كل اللى هتعمله تغرى الزبون لحد ما يقع....وتقلبه......جميله... ..لبقه...ساحره...عندها من الدهاء ما يكفيها ويكفى العصابه.....إديها تكون طويله.....وأهم حاجه تكون بتحب الفلوس...وياريت تكون عانس
مطلوب كناس شارع فى كفر المواشى.......ودى طبعا مش وظيفه حكوميه.....الراتب هياخده من الناس اللى هتعدى عليه فى الشارع....من ده جنيه ومن ده ربع جنيه..........يجيد لم الزباله...ملامحه تدعو للشفقه والعطف......نظراته توحى بالاحتياج
دى الوظايف الموجوده دلوقتى
نوعدكم عند توافر وظائف أخرى سيتم إبلاغكم بيها
وعلى كل الخريجين التقدم بسرعه, لأن الوظايف مش بتستنى حد.
