من طرف 
ربنا يرزقك بعيل يوريك اللي ورتهوني .
* امشى جاتك مشش فى ركبك.
* رحلة إيه إن شاء الله, على أيامنا ماكوناش بنطلع زفت رحلات .
*اوعى حد يضحك عليك ويقولك جرب السيجارة دي.
* إيه اللامبالاة و الاستهتار اللي انت عايش فيهم دول .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
* بلاش أكل بره .
*ياريتك تحفظ دروسك زى ماانت حافظ الأغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* انته مبتكلش جزر ليه .. أجيبلك برتقانه. طب كل سلطه .
* ياابني بأسلوبك ده مش هتعيش معاك واحده .
* قومي ساعدي أمك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* متفتحش الباب لحد و انت لوحدك و متدلدلش راسك من شباك العربيه .
* كفايه رغي في التليفونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر ولا خش اوضتك .
* ربنا يهديك ربنا يهديك ... وأحيانا .. انك لا تهدي من أحببت .
* ازاى بتذاكر و البتاع ده شغال جنبك .
* افرد ظهرك .
* لم شراباتك.
* ماتاكلش فى ضوافرك.
* ماتتأخرش علشان عندك كلية بكرة بدرى.
* أنا مش عارف انته طالع لمين.
* انا : ياماما بقه ايه ده ؟؟؟
ماما:مووو لمـا يــــــخدك .
* ده منظر أوضة بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* ياابنى المذاكره مابتخلصش .... نفسى اشوفك مره ماسك كتاب.
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم بره البيت .
* مالكش دعوة بالسياسة .. وماتمشيش في مظاهرات .
* احمد ربنا الأكل إلي مش عجبك ده فى ناس مش لقينه .
* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
* قومي سخني الأكل لأخوكي.
* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
