من طرف ميدو التراساوى الجمعة أغسطس 21, 2009 12:05 amللعام الخامس على التوالى وفريق الكرة بنادى الزمالك يقدم مسلسله الفاشل الذى ارهق الجماهير ومازال يرهقهم هذا المسلسل مكون من ثلاثين حلقة دائما ما يبدأ الحلقة الاولى باثارة وتشويق حتى يجذب المشاهدين ومتابعى كرة القدم ولكن وياللأسف فسرعان مايتلقوا الصدمة حيث تكون الحلقة الثانية غاية فى السخف وضعة فى الاداء واستهتار وتسيب ولذلك يصاب الجماهير بالصدمة ويالها من صدمة .........
هكذا عودنا الزمالك دائما كل عام نقول ان البطولات ستعود من جديد واللاعبين لديهم اصرار وروح الجماعة وانتماء وحب للفانلة البيضاء اللهم الا قلة قليلة تعد على اصابع اليد اما معظم الفريق فيكون متخاذل ولا نعلم الى الان العيب فى من هل هو فى الادارة ام الجهاز الفنى ام الاعبين (طبعا) ام فينا نحن الجماهير
حكاية زملكاوى:
ايها الاخوة احكى لكم الآن حكايتى فأنا رجل زملكاوى من طراز فريد اعشق الفنلة البيضا وقلبى يرفرف جوايا لو شفت العلم الابيض
انا فى يوم الخميس ياجماعة الموافق20/8 قعدت اتفرج على ماتش الزمالك وبتروجيت وللامانة كنت حاطط ايدى على قلبى لانى عارف ان بتروجيت فريق جامد وبييجى قدام الزمالك يشد حيله اما قدام فرق تانية (اخوانة البعدا) بيبقى كتكوت ؛المهم قعدت اتفرجت وكل الناس فى اليوم ده قالت الزمالك هيقطع بتروجيت زى ماعمل فى انبى والجرايد تتكلم عن مثلث الزمالك المرعب واللى يقول هنكسب 2 واللى يقول هنكسب 3 ؛اما انا بقى فمن خبرتى بالزمالك اقصد فريق الكورة طبعا كنت حاسس ان فى مصيبة جاية(استر يارب) المهم الماتش بدأ ولسه بنقول ياهادى لقيت البلدوزر شاط كورة جت فى دماغ الجون ورجعت استلمها شيكابالا وحطها فى الجون انا الصراحة مصدقتش عينيا وقولت اشطة ده احنا هنعبيهم اجوان وحبة حبة لقيت بتروجيت فاقت وبدأت تهتجمنا خط الوسط كأن مفيش فى حد ولاعيبة بتروجيت راحة جاية فى الملعب وانا بدأت اقلق المهم الشوط الاول خلص على خير .
الشوط التانى بدأ وبتروجيت زى ماهو شادد حيله علينا ولحد ماجت اللحظة المشئومة فى اللحظة دى السيد حمدى دخل هدف التعادل والحق يتقال اللاعب ده يستاهل تقله دهب وطبعا الزمالك بدأ يلعب بعشوائية واى لاعب يعمل اى حاجة ومبقاش فيه تركيز ونزل احمد حسام ميدو وياريته مانزل نزل جاب ضربة جزاء فرحنا ولكن لما شاطها وضاعت رجع الحزن لينا تانى كأن مش مكتوب لنا نفرح ومختار عمل بسرعة تبديل فى محله نزل وليد سليمان اللى ولع الملعب وقدر يجيب الجون التانى وانا طبعا قاعد قدام الشاشة هتجنن وحاسس انى هموت ناقص عمر اما دى كاستال النهاردة كان برة الفورمة وعمل تبديلاته متأخرة اوى طب كان فين الميرغنى من الاول منزلتوش ليه ياخواجة ولا منزلتش ابراهيم ايو ليه اوسيد مسعد اوغيره
بس ياجماعة اللى صعب عليا النهاردة هو عمرو زكى بجد اللاعب ده هو فى نظرى احسن مهاجم فى افريقيا ويستاهل ان الزمالك يعطيه 20مليون فى الموسم على الاقل احسن من جيمى وشيكا واجوجو اللى فاضيين بس للهلس والمزاج الله يكون فى عونك ياعمرو وانا بقولها ليك كل جماهير الزمالك ومصر بتموت فيك
وفى النهاية انا بعد الماتش قعدت زعلان بس لما هديت قعدت على الكمبيوتر وشغلت اغنية (بحبك يا زمالك)
زملكاوى على طول
هكذا عودنا الزمالك دائما كل عام نقول ان البطولات ستعود من جديد واللاعبين لديهم اصرار وروح الجماعة وانتماء وحب للفانلة البيضاء اللهم الا قلة قليلة تعد على اصابع اليد اما معظم الفريق فيكون متخاذل ولا نعلم الى الان العيب فى من هل هو فى الادارة ام الجهاز الفنى ام الاعبين (طبعا) ام فينا نحن الجماهير
حكاية زملكاوى:
ايها الاخوة احكى لكم الآن حكايتى فأنا رجل زملكاوى من طراز فريد اعشق الفنلة البيضا وقلبى يرفرف جوايا لو شفت العلم الابيض
انا فى يوم الخميس ياجماعة الموافق20/8 قعدت اتفرج على ماتش الزمالك وبتروجيت وللامانة كنت حاطط ايدى على قلبى لانى عارف ان بتروجيت فريق جامد وبييجى قدام الزمالك يشد حيله اما قدام فرق تانية (اخوانة البعدا) بيبقى كتكوت ؛المهم قعدت اتفرجت وكل الناس فى اليوم ده قالت الزمالك هيقطع بتروجيت زى ماعمل فى انبى والجرايد تتكلم عن مثلث الزمالك المرعب واللى يقول هنكسب 2 واللى يقول هنكسب 3 ؛اما انا بقى فمن خبرتى بالزمالك اقصد فريق الكورة طبعا كنت حاسس ان فى مصيبة جاية(استر يارب) المهم الماتش بدأ ولسه بنقول ياهادى لقيت البلدوزر شاط كورة جت فى دماغ الجون ورجعت استلمها شيكابالا وحطها فى الجون انا الصراحة مصدقتش عينيا وقولت اشطة ده احنا هنعبيهم اجوان وحبة حبة لقيت بتروجيت فاقت وبدأت تهتجمنا خط الوسط كأن مفيش فى حد ولاعيبة بتروجيت راحة جاية فى الملعب وانا بدأت اقلق المهم الشوط الاول خلص على خير .
الشوط التانى بدأ وبتروجيت زى ماهو شادد حيله علينا ولحد ماجت اللحظة المشئومة فى اللحظة دى السيد حمدى دخل هدف التعادل والحق يتقال اللاعب ده يستاهل تقله دهب وطبعا الزمالك بدأ يلعب بعشوائية واى لاعب يعمل اى حاجة ومبقاش فيه تركيز ونزل احمد حسام ميدو وياريته مانزل نزل جاب ضربة جزاء فرحنا ولكن لما شاطها وضاعت رجع الحزن لينا تانى كأن مش مكتوب لنا نفرح ومختار عمل بسرعة تبديل فى محله نزل وليد سليمان اللى ولع الملعب وقدر يجيب الجون التانى وانا طبعا قاعد قدام الشاشة هتجنن وحاسس انى هموت ناقص عمر اما دى كاستال النهاردة كان برة الفورمة وعمل تبديلاته متأخرة اوى طب كان فين الميرغنى من الاول منزلتوش ليه ياخواجة ولا منزلتش ابراهيم ايو ليه اوسيد مسعد اوغيره
بس ياجماعة اللى صعب عليا النهاردة هو عمرو زكى بجد اللاعب ده هو فى نظرى احسن مهاجم فى افريقيا ويستاهل ان الزمالك يعطيه 20مليون فى الموسم على الاقل احسن من جيمى وشيكا واجوجو اللى فاضيين بس للهلس والمزاج الله يكون فى عونك ياعمرو وانا بقولها ليك كل جماهير الزمالك ومصر بتموت فيك
وفى النهاية انا بعد الماتش قعدت زعلان بس لما هديت قعدت على الكمبيوتر وشغلت اغنية (بحبك يا زمالك)
زملكاوى على طول
